واشنگٹن (شِنہوا) امریکی صدر جو بائیڈن نے 40 عالمی رہنماؤں کو 22 اور 23 اپریل کو موسمیاتی تبدیلی سے متعلق ہونے والے ورچوئل سربراہی اجلاس میں شرکت کی دعوت دی ہے۔وائٹ ہاؤس سے جاری بیان کے مطابق چینی اور روسی رہنماؤں کو بھی سربراہی اجلاس میں مدعو کیا گیا ہے۔بیان میں کہا گیا کہ یہ سربراہی اجلاس گلاسگو میں رواں سال نومبر میں ہونے والی اقوام متحدہ موسمیاتی تبدیلی کانفرنس (سی او پی 26) کی جانب ایک اہم سنگ میل ثابت ہوگا۔بیان میں مزید کہا گیا ہے کہ سربراہ اجلاس تک امریکہ، پیرس معاہدے کے تحت قومی سطح پر طے شدہ شراکت کے طور پر2030 تک کاربن اخراج کے اپنے اہدافی منصوبے کا اعلان کرے گا۔