اسلام آباد (نیوز ڈیسک)گلوکار علی ظفر نے معروف ڈرامہ نگار حسینہ معین اور پی ٹی وی کی پہلی میزبان خاتون کنول نصیر کے انتقال پر گہرے دکھ اور افسوس کا اظہار کیا ہے۔علی ظفر نے اپنے ٹوئٹر پیغام میں کہا کہ ان خواتین کے انتقال کا سن کر مجھے بہت افسوس ہوا ہے۔انہوں نے کہا کہ اللّٰہ تعالیٰ حسینہ معین اور کنول نصیر کی مغفرت فرمائے۔معروف ڈرامہ نگار حسینہ معین دل کا دورہ پڑنے سے 79 برس کی عمر میں جہان فانی سے کوچ کرگئی تھیں۔ اُنہیں کراچی سخی حسن قبرستان میں سپرد خاک کردیا گیا۔