اسلام آباد (نیوز ڈیسک)بالی ووڈ کی اداکارہ پرینیتی چوپڑا نے کہا ہے کہ ان کے وزن کے حوالے سے تنقید سے وہ پریشان نہیں ہوتیں، تاہم میں تنقید کرنے والوں سے متفق ہوں۔ یاد رہے کہ 2015 میں ڈرامائی انداز میں اپنا وزن کم کرنے سے پہلے ان پر بالخصوص ان کی کیریئر کے ابتدا میں زیادہ وزن کی وجہ سے تنقید ہوتی رہی ہے۔ پرینیتی کا کہنا ہے کہ جسمانی نقائص کا مذاق اڑانا کرہ ارض پر ایک بہت ہی مضحکہ خیز چیز ہے، انھوں نے کہا کہ قدرتی چیزوں پر تنقید کرنا ایسے ہی جیسے کہ کسی کی آنکھ کا رنگ ہوتا ہے۔ ایک انٹرویو میں بالی ووڈ ببل پرینیتی کا کہنا تھا کہ انھوں نے اپنی باڈی فٹنس کے لیے بہترین کوششیں نہیں کی تھیں۔انھوں نے کہا کہ مجھے اس صورت میں افسوس ہوتا کہ اگر میں سب کچھ کرکے بھی فٹنس حاصل نہ کرپاتی، لیکن میں ان لوگوں سے اس لیے اتفاق کرتی ہوں کیونکہ میں نے تو فٹنس کے لیے کچھ کیا ہی نہیں تھا۔