امریکی (نیوز ڈیسک)امریکی ماڈل کرسی ٹیگن نے بےتحاشہ نفرت انگیز کمنٹس سے تنگ آکر سماجی رابطے کی ویب سائٹ ٹوئٹر سے اپنا اکاؤنٹ ڈیلیٹ کردیا۔غیرملکی میڈیا کے مطابق کرسی ٹیگن کے اکاؤنٹ پر فالوورز کی تعداد13.7 ملین سے زائد تھی پھر بھی انہوں نے اپنا اکاؤنٹ ڈیلیٹ کیا۔اکاؤنٹ ڈیلیٹ کرنے سے قبل انہوں نے لکھا کہ میں ٹوئٹر سے اپنا اکاؤنٹ ہٹانے کا سوچ رہی ہوں۔ یہ میرے لئے مثبت کے بجائے منفی ثابت ہو رہا ہے اور اب یہ صحیح وقت ہے کہ اس حوالے سے کچھ کیا جائے۔انہوں نے اپنے مداحوں کے لئے لکھا کہ 10 سال سے زائد آپ لوگ میری دنیا رہے۔میں آپ میں سے اکثریت کو واقعی اپنا دوست سمجھتی ہوں لیکن اب وقت آگیا ہے کہ میں الوداع کہوں۔امریکی ماڈل کرسی ٹیگن نے جیسے ہی اپنے آخری پیغامات مداحوں کے لئے لکھے اس کے فوراً بعد ہی ان کا اکاؤنٹ ٹوئٹر پر دکھنا بند ہوگیا۔