خرطوم (شِنہوا) چینی حکومت سوڈان کو سائنو فارم کی نوول کرونا وائرس ویکسین کی ایک کھیپ عطیہ کرے گی۔سوڈان میں چین کے سفیر ماشین مِن نے خرطوم میں چینی سفارت خانہ میں منعقدہ ایک پریس کانفرنس میں یہ اعلان کیا کہ چینی حکومت اور فوج نے سوڈان کو نوول کرونا وائرس ویکسین کا ایک کھیپ عطیہ کرنے کا فیصلہ کیا ہے۔سفیر نے مزید کہا کہ سائنو فارم گروپ کی تیار کردہ یہ ویکسین 26 مارچ کو چینی طیارے کے ذریعے خرطوم کے بین الاقوامی ہوائی اڈے پہنچ جائے گی۔گزشتہ سال اس افریقی ملک میں عالمی وباء کے پھیلاؤ کے بعد سے چین سوڈان کو نوول کرونا وائرس عالمی وباء کے خلاف اسکی جنگ میں مدد فراہم کر رہا ہے۔چین نے گزشتہ سال سوڈان کو طبی سامان کی کھیپ کا عطیہ دیا تھا اور گزشتہ جون میں چین کی طبی ماہرین کی ایک ٹیم اس عالمی وباء سے نمٹنے میں تعاون کے لئے دو ہفتوں کے مشن پر اس ملک روانہ ہوئی تھی۔سوڈان میں منگل تک نوول کرونا وائرس کے مجموعی طور پر 29ہزار5 سو42 کیسز کا اندراج ہوا ہے جس میں 23ہزار 858صحت یاب افراد اور 2ہزار3 اموات شامل ہیں۔