اسلام آباد(نیوز ڈیسک)بالی ووڈ کے سپراسٹار سلمان خان نے بھی عالمی وبا کورونا وائرس سے بچاؤ کی ویکسین لگوالی۔بھارتی میڈیا کے مطابق بدھ کو سلمان خان کو ممبئی کے اسپتال میں داخل ہوتے دیکھا گیا۔ اس دوران انہوں نے عام سا لباس اور فیس ماسک پہن رکھا تھا۔ جس کے فوراً ہی بعد اداکار کے مداح ان کی صحت سے متعلق پریشان ہونا شروع ہوگئے۔بعدازاں سلمان خان نے ٹوئٹر پر پیغام لکھ کر مداحوں کو بتایا کہ آج میں نے ویکسین کی پہلی خوراک لے لی ہے۔بعدازاں سلمان خان نے ٹوئٹر پر پیغام لکھ کر مداحوں کو بتایا کہ آج میں نے ویکسین کی پہلی خوراک لے لی ہے۔سلمان خان کی جانب سے اسپتال جانے کا مقصد بتانے کے بعد ان کے مداحوں کی تشویش دور ہوگئی اور مداحوں نے ان کے لئے نیک خواہشات کا اظہار کیا۔اس سے قبل منگل کو اداکار سنجے دت نے بھی کورونا وائرس سے بچاؤ کی ویکسین لگوائی اور اس کی تصویر بھی انہوں نے ٹوئٹر پر شیئر کی تھی۔حال ہی میں بالی ووڈ کے سینئر اداکار دھرمیندر اور اداکارہ ہیما مالنی بھی کورونا سے بچاؤ کی ویکسین لگوا چکے ہیں۔