اسلام آباد(نیوز ڈیسک)وزیر تعلیم سندھ سعید غنی نے صوبے میں اسکولوں کے حوالے سے کہا ہے کہ سندھ میں 50 فیصد حاضری کے ساتھ اسکول کھلے رہیں گے۔انہوں نے کہا کہ سندھ اور بلوچستان میں کورونا کی صورتحال کنٹرول میں ہے، اگر کسی علاقے میں شرح بڑھی اور اسمارٹ لاک ڈاؤن لگا تو اُسی علاقے کےاسکول بند ہوں گے۔صوبائی وزیر تعلیم نے کہا کہ جن اضلاع میں کورونا شرح زیادہ ہے وہاں اسکول بند کئے گئے ہیں۔یاد رہے کہ وفاقی وزیر برائے تعلیم شفقت محمود نے کورونا سے متاثرہ بعض اضلاع میں تمام تر تعلیمی ادارے بند کرنے کا اعلان کیا ہے۔شفقت محمود نے کہا کہ کسی ضلعے میں کورونا کے پھیلاؤ کے پیش نظر اگر اسکولوں کو بند کرنا ہے تو یہ صوبائی حکومت کی صوابدید ہو گی۔