اسلام آباد (نیشنل ٹائمز)وفاقی وزیر اور سربراہ این سی او سی اسد عمر نے کہا ہے کہ ملک بھر میں انسداد کورونا ویکسین کی 15 کروڑ سے زائد خوراکیں لگائی جاچکی ہیں۔وفاقی وزیر اسد عمر نے ایک بیان میں کہا کہ صوبوں میں ویکسین لگانے کے اعتبار سے پنجاب سب سے آگے ہے، پنجاب میں 68 فیصد افراد کو ویکسین کی کم از کم ایک خوراک لگ چکی ہے۔انہوں نے مزید کہا کہ کے پی میں ویکسین کی اہل57 فیصد آبادی کو ویکسین کی ایک خوراک لگ چکی ہے جبکہ سندھ میں 51 فیصد ویکسین کی اہل آبادی کو کم ازکم ایک خوراک لگ چکی ہے۔ملک میں کورونا کے 301 نئے کیسز رپورٹ ان کا یہ بھی کہنا تھا کہ بلوچستان میں ویکسین کی 38 فیصد اہل آبادی کو کم ازکم ایک خوراک لگ چکی ہے اور دسمبر میں ویکسین لگنے کی رفتار میں تیزی سے اضافہ ہوا ہے۔