اسلام آباد(نیشنل ٹائمز)آکسفورڈ یونیورسٹی لندن کے سائنسدانوں کی نئی تحقیق میں بتایا گیا ہے کہ کورونا وائرس دل کی بیماریوں کے خطرہ کا سبب بنتا ہے۔تحقیق کرنے والے سائنسدانوں کا مزید بتایا کہ کورونا متاثرین اور ویکسین کی پہلی دوسری خوراک لینے والوں کو تحقیق میں شامل کیا گیا ہے۔ سائنسدانوں کے مطابق تحقیق میں یہ بات سامنے آئی ہے کہ ویکسین شدہ افراد کی نسبت کورونا متاثرین دل کے مسائل کا زیادہ شکار نظر آئے۔تحقیق میں سولہ سال سے بڑی عمر کے 38 لاکھ ایسے لوگوں کو شامل کیا گیا جنہیں ویکسی نیشن کے دوران آسٹرا زینیکا، فائزر اور ماڈرنا کے ویکسین لگائے گئے تھے۔