سلام آباد(نیشنل ٹائمز)آلو ان سبزیوں میں سے ایک ہے جو سال کے ہر موسم میں دستیاب ہوتی ہے۔ اسے اگانا انتہائی سستا اور آسان بھی ہے اور اس میں موجود طبی فوائد بھی بےتحاشا ہیں۔لیکن یہ بات شائد آپ کی حیرت میں مزید اضافہ کردے کہ چھلا ہوا آلو اتنا فائدہ مند نہیں ہوتا جتنا اس کا چھلکا ہوتا ہے۔ جی ہاں!۔ صرف چھلکے سے آپ کو فائبر، معدنیات، وٹامنز اور پودوں سے حاصل شدہ صحت بخش کیمیکلز کی وہ تعداد حاصل ہوجاتی ہے جو محض چھلے ہوئے آلوؤں میں موجود نہیں ہوتی۔آلو کے چھلکے میں پوٹیشیئم اور فائبر بھی وافر مقدار میں پایا جاتا ہے جس سے غذا کے جزوِ بدن بننے کے عمل metabolism میں تیزی اور بہتری آتی ہے۔ اسی طرح چھلکے میں وٹامن بی 3 آپ کے خلیوں پر غیر ضروری دباؤ کو رفع کرتا ہے اور ایک نئی توانائی کا باعث بنتا ہے۔آلو کے چھلکے پوٹیشیئم، میگنیشئم اور کیلشیئم کی بدولت بلڈ پریشر کو کنٹرول کرنے بھی انتہائی معاون ہیں جبکہ جِلد کے حوالے سے آلو کے چھلکے چکناہٹ، بلیک ہیڈز، دانے اور رنگ صاف کرنے کی صلاحیت بھی رکھتے ہیں۔