اسلام آباد(نیشنل ٹائمز)جنوبی افریقا کے صدر سیرل رامافوسا بھی کورونا کا شکار ہوگئے۔غیر ملکی خبر ایجنسی کے مطابق جنوبی افریقا کے صدر سیرل رامافوسا نے کورونا کی ویکسی نیشن کرائی تھی ، چند روز قبل انہوں نے جنوبی افریقا کے سابق صدر ایف ڈبلیو ڈی کلارک کی آخری رسومات میں شرکت کی تھی ، جس کے بعد ان کی طبیعت خراب ہوئی۔سیرل رامافوسا میں کوویڈ 19 کی علامات ہیں اور انہوں نے کیپ ٹاؤن میں قرنطینہ کرلیا ہے۔صدرسیرل راما فوسا نے کہا ہے کہ ان کا کورونا وائرس میں مبتلا ہونا تمام شہریوں کے لیے وارننگ ہے کہ وہ کورونا ویکسین لگوائیں کیونکہ ویکسی نیشن ہی کورونا وائرس کے سنگین اثرات سے بچنے کا بہترین راستہ ہےاور حفاظتی ا قدامات پر عمل درآمد کو یقینی بنائیں۔