اسلام آباد(نیشنل ٹائمز)بھارتی وزیر دفاع راج ناتھ سنگھ نے بھارتی ملٹری ہیلی کاپٹر حادثے میں واحد زندہ بچ جانے والے گروپ کیپٹن ورون سنگھ کے علاج اور موجودہ صورتحال کے بارے میں بتادیا۔ھارتی میڈیا رپورٹس کے مطابق گروپ کیپٹن ورون سنگھ ہیلی کاپٹر حادثے کے واحد زندہ بچ جانے والے مسافر ہیں۔اس حوالے سے بھارتی وزیر دفاع راج ناتھ سنگھ نے اپنے ایک بیان میں بتایا کہ گروپ کیپٹن ورون سنگھ کی حالت نازک لیکن مستحکم ہے۔ھارتی وزیر دفاع نے کہا کہ ’گروپ کیپٹن ورون سنگھ لائف سپورٹ پر ہیں اور انہیں بچانے کی تمام کوششیں کی جا رہی ہیں۔‘اُنہوں نے مزید کہا کہ ’گروپ کیپٹن سنگھ کا شدید جھلسنے کی وجہ سے بھارت کے ملٹری اسپتال میں علاج کیا جا رہا ہے۔‘واضح رہے کہ گزشتہ روز بھارتی ریاست تامل ناڈو میں بھارتی فضائیہ کا ہیلی کاپٹر گر کر تباہ ہوگیا تھا جس میں سوار بھارتی فوج کے پہلے چیف آف ڈیفنس اسٹاف (سی ڈی ایس) جنرل بپن راوت ہلاک ہوگئے تھے۔