بوگوٹا(شِنہوا)کولمبیاکے صدر آئیوان ڈیوک نے سائنوویک نوول کروناوائرس ویکسین کی نئی کھیپ کی فرا ہمی اورملک کے قومی ویکسی نیشن پروگرام کو آگے بڑھانے میں کردار ادا کرنے پر چین کا شکریہ ادا کیا ہے۔شمالی شہر بارانکوئیلا میں پریس کانفرنس کے دوران صدر نے کہاکہ ” ہم کولمبیا کی جانب سے آپ کا(چینی شہریوں)شکریہ ادا کرتے ہیں کیونکہ اس موڑ پر،دوطرفہ تعلقات کی 4دہائیوں کے بعد یہ سفارتی تعلق مزید مضبوط ہورہاہے۔انہوں نے کہاکہ نوول کروناوائرس کی عالمی وبا کوشکست دینے کیلئے دونوں فریقین کو مل کر کام کرنا چاہئے، ڈیوک نے کہاکہ مجھے امید ہے کہ ہمارے تعلقات دن بدن مزیدمضبوط اور مستحکم ہوں گے۔ڈیوک نے مزیدکہاکہ چینی ویکسینز کی اس کھیپ سے قومی ویکسی نیشن منصوبہ کو آگے بڑھانے کیلئے ملک بھر میں ترسیل جاری رہے گی۔وزارت صحت وسماجی تحفظ نے سائنوویک ویکسینزکولمبیا کے دور دراز علاقوں، خاص طور پر ایمازون کے علاقہ میں بھیج دیا ہے اورتوقع ہے کہ اگلے ہفتے جیلوں اورنرسنگ ہومز جیسے مقامات پر ویکسینز لگائی جائیں گی۔