اسلام آباد(نیوز ڈیسک )معروف امریکی گلوکارہ اور اداکارہ کارڈی بی نے کہا ہے کہ وہ اپنے گانے اپنی چھوٹی بیٹی کو سننے کی اجازت نہیں دیتیں۔پاپ گلوکارہ کارڈی بی کا کہنا ہے کہ ان کے گانے بالغ لوگوں کے لئے ہیں بچوں کے لئے نہیں اسی لئے وہ اپنی بیٹی کو اپنے ہی گانے سننے کی اجازت نہیں دیتیں۔ موسیقی بچوں کو بااختیار بنانے کا ذریعہ نہیں ہے۔انسٹاگرام پر کارڈی بی سے ایک شخص نے سوال کیا کہ وہ اپنی 2 سالہ بیٹی کو کیوں اپنے گانے سننے سے روکتی ہیں جس پر انہوں نے جواب دیا کہ میں بچوں کے لئے گانے نہیں بناتی میں بالغ لوگوں کے لئے گانے بناتی ہوں۔ بچے جو بھی سنتے یا دیکھتے ہیں اس کے ذمہ دار والدین ہوتے ہیں۔انہوں نے مزید کہا کہ اپنے بچوں کو بااختیار بنانے کا واحد طریقہ ان سے بات کرنا، ان کے اعتماد کو بڑھانا اور اس بات کو یقینی بنانا ہے کہ وہ اچھی تعلیم حاصل کریں۔