کابل (نیشنل ٹائمز) ملا عمر کے صاحبزادے ملا یعقوب پہلی بار منظرعام پر آگئے۔سماجی رابطے کی ویب سائٹ ٹوئٹر پر وہ ہسپتال میں منعقدہ تقریب سے خطاب کر رہے ہیں، انہوں نے پشتو میں خطاب کیا، ان کا کہنا تھا کہ میرے اور آپ کے درمیان فاصلے ختم ہوگئے، ہم سب کو مل کر کام کرنا ہوگا۔ان کا کہنا تھا کہ ہسپتال بننے سے ایک وقت ایسا آئے گا کہ افغانستان کے لوگوں کو علاج کی غرض سے بیرون ملک نہیں جانا پڑے گا۔یاد رہے کہ ملاعمر کے صاحبزادے ملا یعقوب اس وقت افغانستان کے وزیردفاع اور طالبان تحریک کے نائب امیر ہیں،اس ستائیس سالہ نوجوان نے ابتدائی دینی تعلیم پاکستان کے مدارس سے حاصل کی ہے۔