لاہور(نیوزڈیسک) چودھری شوگر ملز کیس میں مریم نواز کو دوبار طلب کرلیا گیا۔ نیب نے مریم نواز کو 26 مارچ (بروز جمعہ) کو نیب لاہور میں پیش ہونے کی ہدایت کر دی۔مریم نواز اس سے قبل 11 اگست 2020 کو نیب لاہور میں پیش ہوئیں تھی۔ زرائع کے مطابق مریم نواز کیس میں نیب لاہور کو نئے شواہد موصول ہوئے ہیں، نئے شواہد کی روشنی میں مریم نواز سے تحقیقات کرنی ہیں۔ چودھری شوگر ملز کیس میں مریم نواز پر اربوں روپے مالیت کی منی لانڈرنگ کا الزام ہے۔دوسری جانب لاہور ہائیکورٹ نے نیب کی مریم نواز کی ضمانت منسوخی کیلئے درخواست پر نوٹس جاری کرتے ہوئے 7 اپریل تک جواب طلب کرلیا۔نیب وکیل نے موقف اپنایا مریم نواز اپنی ضمانت کا غلط استعمال کر رہی ہیں، لیگی رہنما کو ضمانت کے بعد تفتیش کیلئے طلب کیا گیا، مریم نواز نیب کے سامنے پیش نہیں ہوئیں، لیگی رہما نے پیش ہونے کے بجائے نیب آفس پر پتھراؤ کرایا، نیب نے پتھراؤ کے معاملے پر مقدمہ بھی درج کرایا۔