لاہور (نیشنل ٹائمز) ملک بھر کے غریب عوام پر بجلی اور پٹرولیم کے اوپر نیچے بم گرائے جانے کے بعد سائیکلوں کی قیمت میں بھی فوری اضافہ کردیا گیا ہے۔ بتایا گیا ہے کہ مختلف برینڈ کی سائیکلوں کی قیمتوں میں 2 سے 5 ہزار روپے تک اضافہ کیا گیا ہے جبکہ آج بروز اتوار موٹرسائیکلوں کی قیمتوں میں بھی 5 ہزار روپے تک اضافہ کئے جانے کا امکان ہے اضافے کی صورت میں سی ڈی 70 موٹرسائیکل 91 ہزار روپے سے بڑھ کر 95 ہزار روپے تک جا سکتی ہے۔