اسلام آباد(نیوز ڈیسک )کراچی میں ایک اور کورونا ویکسی نیشن سینٹر کا اضافہ کردیا گیا جس کے بعد شہر میں ویکسی نیشن سینٹرز کی تعداد 28 ہوگئی۔محکمہ صحت سندھ کے مطابق یونیورسٹی روڈ پر ڈاؤ ڈینٹل کالج میں ویکسی نیشن سینٹر بنایا گیا ہے جہاں 24 گھنٹے ویکسین لگانے کی سہولت ہوگی۔دوسری جانب وزیراعلیٰ سندھ سید مراد علی شاہ کا کورونا وائرس کی صورتحال سے متعلق کہنا ہے کہ گزشتہ 24 گھنٹوں میں 8878 نمونوں کی جانچ کی گئی تھی جس میں سے 241 نئے کیسز رپورٹ ہوئے ہیںسید مراد علی شاہ نے سندھ میں کورونا وائرس کی تازہ صورتحال سے متعلق دیئے گئے بیان میں کہا ہے کہ گزشتہ 24 گھنٹوں میں 7 اموات ہوئیں جبکہ سندھ میں اموات کی مجموعی تعداد 4468 ہوچکی ہے۔