اسلام آباد(نیوز ڈیسک) ملک بھر میں 70 سال سے زائد عمر کے شہریوں کے لیے واک ان ویکسینیشن سہولت آج سے شروع ہوگئی ہے۔70 سال سے زائد عمر کے شہری کسی بھی ہیلتھ سینٹر سے ویکسین لگواسکتے ہیں، واک ان کورونا ویکسینیشن کی سہولت رجسڑڈ بزرگ شہریوں کو دستیاب ہوگی۔60 تا 70 سالہ شہریوں کی کورونا ویکسینیشن معمول کے مطابق لگے گی۔ادھر پاکستان میں 24 گھنٹے کے دوران کورونا ٹیسٹ مثبت آنے کی شرح 7 فیصد تک جا پہنچی، کورونا وائرس سےمزید 58 افراد جاں بحق ہوگئے۔