اسلام آباد(نیشنل ٹائمز)ملک سے سیمینٹ کی برآمدات میں جاری مالی سال کے پہلے مہینہ میں گذشتہ مالی سال کی اسی مدت کے مقابلہ میں 47.80 فیصد کی کمی ریکارڈکی گئی ہے۔پاکستان بیوروبرائے شماریات کے اعدادوشمارکے مطابق جولائی 2021 میں سیمینٹ کی برآمدات سے ملک کو11.96ملین ڈالرکازرمبادلہ حاصل ہوا جو گذشتہ مالی سال کی اسی مدت کے مقابلہ میں 47.80 فیصدکم ہے ، گذشتہ سال جولائی میں سیمینٹ کی برآمدات سے ملک کو ملین ڈالرکازرمبادلہ حاصل ہواتھا۔اسی طرح مقداری لحاظ سے بھی سیمینٹ کی برآمدات میں کمی ریکارڈکی گئی ہے، مالی سال کے پہلے مہینہ میں 299605 میٹرک ٹن سیمینٹ کی برآمدات ہوئیں جو گذشتہ سال جولائی کے مقابلہ میں 50.04 فیصدکم ہے، گذشتہ سال جولائی میں ملک سے 741391 میٹرک ٹن سیمینٹ کی برآمدات ریکارڈکی گئی تھیں۔جون کے مقابلہ میں جولائی کے مہینہ میں سیمینٹ کی برآمدات میں کمی کا تناسب 16.46 فیصد ریکارڈکیاگیاہے۔