لاہور(نیشنل ٹائمز) ملک میں کورونا وبا سے ایک طرف کئی کاروبار متاثرہوئے ہیں، وہیں فینسی مرغیوں کی فارمنگ کے رحجان میں اضافہ ہوا ہے۔شہری رنگ برنگی اور خوبصورت مرغیوں سے لاکھوں روپے کما رہے ہیں۔ ان میں پہلوان قسم کے مرغ بھی شامل ہیں جنہیں شامو کہا جاتا ہے۔ اس ایک پرندے کی قیمت 70 ہزار سے ڈھائی لاکھ روپے تک ہے، ان مرغیوں کا چوزہ 20 ہزار روپے جبکہ انڈا 10 ہزار روپے تک میں ملتا ہے۔مناواں کے رہائشی 23 سالہ نوجوان دانش نے چندماہ پہلے شوقیہ طور پر چند ہزار روپے میں فینسی مرغیاں خریدیں اب ا ن کے پاس چھوٹے سے برڈفارم میں لاکھوں روپے کے شامونسل کے مرغے، مرغیاں ہیں۔دانش کاکہنا ہے غیرملکی مرغیوں کی 85 اقسام ملک میں مقبول ہو رہی ہیں۔ فریال اعظم نے بتایا ان کے پاس دیسی مرغ اورمرغیاں اور فینسی پرندے ہیں۔ اب یہ فینسی مرغے، مرغیاں لیں گے۔ جاسم ظفر کاکہنا ہے کہ وہ مزید فینسی مرغ، مرغیاں خریدیں گے۔ یہ بہت منافع بخش فارمنگ ہے۔