اسلام آباد(نیشنل ٹائمز)کینیڈا سے تعلق رکھنے والی بھارتی اداکارہ نورا فتیحی کی حال ہی میں ایک ویڈیو وائرل ہورہی ہے جس میں ان کے ہاتھ میں پانی کی بالٹی دکھائی دے رہی ہے۔اداکارہ اِن دنوں چھٹیاں منانے اپنے ملک کینیڈا گئی ہوئی ہیں۔ نورا نے کچھ روز قبل انسٹاگرام پر اسٹوریز شیئر کیں جس میں ان کی گاڑی سڑک پر غلط سمت پر کھڑی نظر آئی جس پر ان کی قریبی دوست نے ہلکے پھلکے انداز میں ان کی نشاندہی کی۔ویڈیو میں نورا کو بالٹی اٹھائے اپنی دوست کی جانب جاتے دیکھا جاسکتا ہے جب کہ دوست کی گاڑی کا شیشہ بند تھا جس کے سبب وہ اس حملے سے بچ گئیں۔ ویڈیو میں نورا نے کہا کہ یہ سمجھتے ہیں کہ بالی ووڈ نے مجھے بدل دیا ہے لیکن ایسا نہیں ہے۔ایک اور ویڈیو میں اداکارہ کی دوسری دوست ان کے گانے ‘ساقی ساقی’ پر رقص کررہی ہیں جن پر نورا نے بوتل سے پانی بھی پھینکا۔