اسلام آباد(نیوز ڈیسک) ہیری اور میگھن کے متنازع اوپرا انٹرویو پر شہزادہ ولیم نے برطانوی شاہی خاندان کا دفاع کیا ہے۔اپنے پہلے ردِعمل میں کہا کہ شاہی خاندان باکل بھی نسل پرست نہیں ہے۔ شہزادہ ولیم نے یہ بھی کہا کہ اوپرا انٹرویو کے بعد سے اُن کی ہیری سے بات نہیں ہوئی لیکن وہ بات کریں گے۔ہیری اور میگھن مارکل نے اوپرا کو دیئے انٹرویو میں کہا تھا کہ شاہی خاندان کے ایک فرد نے اُن کے بیٹے کی پیدائش سے پہلے اُس کی رنگت کے بارے میں تحفظات ظاہر کئے تھے۔جواب میں شاہی محل کا کہنا تھا کہ یہ دعویٰ پریشان کن ہے لیکن معاملے کو نجی طور پر ہی حل کیا جائے گا۔شاہی محل سے جاری بیان میں یہ بھی کہا گیا کہ لوگوں کی یادداشتوں میں فرق ہو سکتا ہے لیکن ہیری اور میگھن سے محبت بھرا تعلق ہمیشہ قائم رہے گا۔