اسلام آباد(نیوز ڈیسک)کولمبیا میں ٹی وی شو میں شریک مہمان صحافی پر اسٹوڈیو کی دیوار پر لگا بڑا مانیٹر اچانک گرگیا جس سے وہ زخمی ہوگیا۔ کیمرے پر ریکارڈ ہونے والا یہ منظر ٹی وی پر ناظرین نے بھی دیکھ لیا۔ویڈیو میں دیکھا جاسکتا ہے کہ واقعہ اتنا اچانک ہوا کہ شو کا میزبان بھی حیران اور پریشان ہوگیا اور اس نے فوراً ہی بریک پر جانے کا کہہ دیا۔ واقعے کی ویڈیو انٹرنیٹ پر تیزی سے وائرل ہورہی ہے۔غیرملکی میڈیا کے مطابق لائیو شو کے دوران پیش آنے والے حادثے میں صحافی معمولی زخمی ہوا۔ مانیٹر صحافی کی پیٹھ پر گرا جس سے انکا چہرہ ٹیبل سے ٹکرا گیا۔صحافی نے بعدازاں بتایا کہ انہیں صرف ناک پر معمولی چوٹ آئی ہے اور وہ اب بہتر محسوس کر رہے ہیں۔