کراچی (آئی این پی) نوجوان گلوکار عاصم اظہر کی اپنی دوست اور ماڈل میرب علی کے ساتھ ایک پرانی تصویر سامنے آئی ہے۔ماضی میں دوستوں کے ہمراہ لی گئی تصویر ماڈل میرب علی نے اپنے انسٹاگرام اکانٹ پر شیئر کی جس میں عاصم اظہر اور میرب ساتھ کھڑے دکھائی دے رہے ہیں۔میرب نے یہ تصویر شیئر کرتے ہوئے لکھا کہ دنیا میں میرے چند پسندیدہ لوگوں کے ساتھ گزرا یادگار وقت۔میرب علی کی عاصم اظہر کے ساتھ تصویر پر سوشل میڈیا کے مختلف پلیٹ فارمز پر صارفین کی جانب سے مختلف تبصروں کا سلسلہ جاری ہے۔صارفین کا کہنا ہے کہ عاصم اظہر اور میرب علی، اب پاکستان شوبز انڈسٹری کی نئی جوڑی بنے گی۔واضح رہے کہ میرب علی اور عاصم اظہر کی منگنی کے حوالے سے خبریں گردش کر چکی ہیں جن کی گلوکار تردید بھی کر چکے ہیں۔