اسلام آباد (نیوز ڈیسک) اداکار ہ ایمن خان نے کہا ہے کہ ڈراموں میں کام نہ کرنے کی وجہ زندگی کو بھرپور طریقے سے جینا ہے۔ میڈیا رپورٹ کے مطابق اداکارہ نے ایک پروگرام میں شرکت کے دوران کہا کہ انہوں نے بچپن سے ہی کام کرنا شروع کر دیا اور 2 ،3 سالوں میں انہوں نے بہت کام کیا جس میں ان کی زندگی بالکل نظر انداز ہو گئی ۔ انہوں نے کہا کہ اب انہیں موقع ملا ہے کہ وہ اپنی زندگی کو بھر پور طریقے سے جئیں اور یہ دیکھیں کہ زندگی کیا ہے ۔ایمن نے کہا کہ جب ان کی عمر مہنگے مہنگے بیگز لے کر یونیورسٹی جانے کی تھی تو وہ ڈراموں کی عکسبندی میں مصروف ہوتی تھیں۔ انہوں نے بیٹی امل بارے بات کرتے ہوئے کہا کہ شوبز انڈسٹری سے وقفہ لینے کی وجہ امل بھی ہے کیونکہ وہ ابھی بہت چھوٹی ہے اور ان کی نظر میں خاندان سے بڑھ کر کچھ نہیں۔