اسلام آباد(نیشنل ٹائمز)وزیراعظم کے معاون خصوصی برائے سیاسی ابلاغ ڈاکٹر شہباز گل نے کہا ہے کہ مفرور بادشاہ سلامت نے اس ملک کو ذاتی جاگیر کی طرح چلایا ہے،بیماری کے بہانے مفرور کے درباریوں کیلئے اسپتال کا نام لینا بھی باعث شرمندگی ہونا چاہیے، جہاں شرمندہ ہونا ہوتا ہے کلیبری کوئین وہاں سرخروئی کی ایکٹنگ شروع کر دیتی ہیں۔اتوار کو مریم اورنگزیب کے بیان پر ردعمل دیتے ہوئیمعاون خصوصی برائے سیاسی ابلاغ ڈاکٹر شہباز گل نے کہا کہ مفرور اشتہاری کے نام سے پنجاب میں 47سرکاری اداروں کے نام ہیں۔انہوں نے کہا کہ بیماری کے بہانے مفرور کے درباریوں کے لئے اسپتال کا نام لینا بھی باعثِ شرمندگی ہونا چاہیئے، جہاں شرمندہ ہونا ہوتا ہے کلیبری کوئین وہاں سرخروئی کی ایکٹنگ شروع کر دیتی ہیں، چور لٹیروں کی برائے نام کارکردگی صرف کک بیکس، کمیشن اور مال بنانے تک ہی محدود ہے۔شہباز گِل نے کہا کہ تختیوں کے نام پر ہی نااہل لیگ نے لوٹ مار کی ہے، نااہل لیگ کی پوری سیاست مال لگا اورمال کما تک محدود ہے، مریم صفدر کرپشن، دھوکہ دہی اور لوٹ مار کی میراث پر بیٹھ کر جمہوریت کا راگ آلاپ رہی ہیں۔