اسلام آباد(نیشنل ٹائمز)پاکستان پوسٹ ملک کے پہلے ایمازون فل فلمینٹ اینڈ فیسیلیٹیشن سینٹر (اے ایف ایف سی)کا افتتاح عید کے بعد ملتان میں کیا جائے گا، نجی ٹی وی کے مطابق حکومت نے پاکستانی مصنوعات کی ایمازون تک رسائی حاصل کرنے کے لئے انتھک کوششیں کی ہیں ، اور پاکستان پوسٹ اس ہدف کے حصول کے لئیکافی محنت سے کام کر رہی ہے، وفاقی وزیر برائے مواصلات مراد سعید نے وزیراعظم عمران خان کے وژن کے تحت یہ خصوصی اقدامات اٹھائے ہیں،وزارت پوسٹل سروسز حکام کا کہنا ہے کہ وزیر اعظم نے حکم دیا تھا کہ پاکستانی مصنوعات کو کسی نہ کسی طریقے سے بین الاقوامی مارکیٹ میں رسائی مل جائے ، حکام کے مطابق جنرل پوسٹ آفس ڈیرہ اڈہ میں ایمازون فل فلمینٹ اینڈ فیسیلیٹیشن سینٹرکا بیشتر کام مکمل ہوچکا ہے جس کا افتتاح عید الاضحی کے بعدکیا جائے گاجب کہ جی پی او ملتان میں ایمازون کا گودام بھی قائم کیا جائے گا، اس کے علاوہ بہاولپور ، رحیم یار خان ، مظفر گڑھ ، ساہیوال اور جنوبی پنجاب کے دیگر اضلاع میں گوداموں کے ساتھ ایمازون سینٹرز قائم کرنے کا کام بھی جاری ہے۔