نارووال ( نیشنل ٹائمز) مسلم لیگ(ن) کے مرکزی رہنماء احسن اقبال نے کہا ہے کہ میرا گناہ کھیل کے میدان بنانا تھا،نارووال سپورٹس سٹی کرکٹ سٹیڈیم جہاں اپریل 2018میں پاکستان کی کرکٹ ٹیم نمائشی میچ کھیل کر گئی اب بھوت بنگلہ کا نظارہ پیش کر رہا ہے،کیا کھیل کے میدان بنانا جرم ہے یا انہیں اجاڑنا جرم ہے؟اتوار کو سماجی رابطے کی ویب سائٹ ٹویٹر پر اپنے بیان میں احسن اقبال نے کہا کہ نارووال سپورٹس سٹی کا منصوبہ جسے اسلام آباد ہائیکورٹ نے عوامی مفاد کا منصوبہ فیصلہ قرار دیا اور جہاں اب تک سینکڑوں نوجوان کھلاڑی بہترین کوچز کی نگرانی میں تربیت پا چکے ہوتے آج بھوت بنگلہ کا نظارہ پیش کر رہی ہے،عمران نیازی کے سیاسی انتقام کی آگ نے اسے بھسم کر کے رکھ دیا۔
کیا کھیل کے میدان بنانا جرم ہے یا انہیں اجاڑنا جرم ہے؟،احسن اقبال
