اسلام آباد(نیشنل ٹائمز)سیکرٹری جنرل پاکستان پیپلز پارٹی سید نیر حسین بخاری نے مادرِ ملت محترمہ فاطمہ جناح کو54ویں برسی پر شاندار خراج عقیدت پیش کیا۔ان کا کہنا تھا کہ قوم نے قیام پاکستان کیلئے قائد اعظم کے شانہ بشانہ عملی جدوجہد پر محترمہ فاطمہ جناح کو مادر ملت کا خطاب دیا ۔ قیام پاکستان اور تعمیر پاکستان میں مادر ملت محترمہ فاطمہ جناح نے یادگار کردار ادا کیا۔محترمہ فاطمہ جناح نے تمام زندگی بحالی جمہوریت اور قانون کی سربلندی کی جدجہد کی۔محترمہ فاطمہ جناح نے قوم میں مساوات اور برابری پر مشتمل جمہوری فلاحی مملکت کے تصور کو تقویت دی۔مادر ملت ہر صورت اقتدار سے چمٹنے والے ٹولہ کی راہ میں رکاوٹ تھیں۔پاکستان پیپلز پارٹی بانیانان پاکستان کی فکر اور فلفسہ پر کاربند رہتے ہوئے جمہوری پرچم تھامے ہوئے ہے۔پیپلز پارٹی آمریت کو قدم نہ جمانے دینے کے مشن کو جاری رکھے ہوئے ہے۔ مادر ملت فاطمہ جناح کے نقش قدم پر چلتے ہوئے آمرانہ اور فسطائی زینیت کے خلاف ڈٹے رہنے کا تجدید عہد کرتے ہیں ۔