کراچی (نیشنل ٹائمز) معروف اداکار شہروز سبزواری اور ان کی اہلیہ معروف سپر ماڈل صدف کنول نے اپنی شادی کے متعلق انکشافات کئے ہیں۔ایک ٹی وی شو کے دوران اپنی شادی سے متعلق بات کرتے ہوئے صدف کنول نے کہاکہ وہ ہمیشہ سے ہی سادگی سے شادی کرنے کی خواہش مند تھیں، جب کبھی بھی وہ اپنی شادی کا سوچتی تھیں تو ان کے ذہن میں یہی آتا تھا کہ وہ سادگی سے شادی کریں گی۔مذکورہ شو میں صدف کنول اپنے شوہر شہروز سبزواری کے ساتھ بطور مہمان موجود تھیں۔شہروز سبزواری کا اہلیہ صدف کنول سے متعلق کہنا تھا کہ صدف کنول نے انہیں بتایا تھا کہ وہ سادگی سے شادی کرنا چاہتی ہیں، شادی پر زیادہ تقریبات نہیں کرنا چاہتیں، صدف کنول محدود رہتے ہوئے شادی کرنا چاہتی تھیں۔شہروز سبزواری نے صدف کنول کے بارے میں مزید بات کرتے ہوئے بتایا کہ یہ ایک انتہائی خالص لڑکی ہے، اس وقت میں اپنی زندگی کے جس مرحلے سے گزر رہا تھا اس کے بعد غیر شادی شدہ نہیں رہنا چاہتا تھا کیونکہ میں ایک مذہبی آدمی ہوں۔شہروز نے کہا کہ ہمارے مذہب میں بہت ساری چیزوں کی اجازت نہیں ہے، میں کوشش کرتا ہوں کہ ان سے دور رہوں۔ میری نیت صاف تھی اس حوالے سے صدف کو بتایا، میں نے صدف سے کوئی غلط بیانی نہیں کی، اسے پہلے ہی اپنی تمام صورتحال سے آگاہ کردیا تھا۔دوسری جانب صدف کنول نے شہروز کے حوالے سے کہا کہ اس نے میری بہت رہنمائی کی، یہ اچھی شخصیت کے ساتھ ایک بہت اچھے انسان بھی ہیں، ان کے والدین نے بہت اچھی تربیت دی ہے۔