اسلام آباد(نیشنل ٹائمز)پاکستان پیپلزپارٹی کے چیئرمین بلاول بھٹو زرداری کا پیٹرولیم مصنوعات کی قیمتوں میں اضافے پر رد عمل آگیا۔پیٹرول کی قیمت میں اضافے کے ساتھ عوام دشمن بجٹ کا پہلا نتیجہ قوم کو موصول ہوگیا۔آج پیٹرول دو روپے مہنگا ہوا ہے اور آہستہ آہستہ بجلی، گیس سمیت ہر اشیائے ضروریہ کے ساتھ اسے مزید مہنگا کیا جائے گا۔ پٹرول کی قیمت میں اضافے نے سلیکٹڈ وزیراعظم کے عزائم بے نقاب کردئیے ہیں۔وزیراعظم اوگرا کی آڑ میں عوام پر وار کر رہے ہیں۔ پٹرول کی قیمت میں اضافے سے مہنگائی کا طوفان آئے گا۔چیئرمین بلاول بھٹو زرداری نےسوال کیا کہ اگر ملک معاشی ترقی کررہا ہے تو روزمرہ استعمال کی اشیاء کی قیمتوں میں کمی کے بجائے اضافہ کیوں ہورہا ہے؟