لاہور(نیشنل ٹائمز)پورے ملک میں گیس کی کمی سے متعلق لاہور ہائیکورٹ سے رجوع کر لیا گیا۔لاہور ہائیکورٹ میں دائر درخواست میں وفاقی حکومت ،ایس این جی پی ایل سمیت دیگر کو فریق بنایا گیا ہے۔چیف جسٹس لاہور ہائیکورٹ جسٹس قاسم خان نے کیس کی سماعت کی ۔عدالت نے وزارت توانائی کو درخواست گزار کی درخواست پر قانون کے مطابق فیصلہ کرنے کا حکم دے دیا۔وزارت توانائی درخواست گزار کی جانب سے گیس کی قلت سے متعلق تحفظات سن کر ضروری اقدامات کرے۔عداالت نے وزارت توانائی کو چھ ہفتوں میں درخواست پر فیصلہ کرنے کا حکم دے دیا۔ درخواست گزار نے کہا کہ حکومت ملک بھر میں گیس کی یکساں فراہمی میں ناکام رہی ہے۔ملک بھر میں گیس کی شدید قلت ہے،گیس کے امپورٹ سے ملکی زرمبادلہ کا نقصان ہو رہا ہے۔ ایل این جی کا پلانٹ بھی بند ہے۔بجلی کی شدید لوڈ شیڈنگ کا خدشہ ہے۔ وکیل وفاقی حکومت نے جواب دیا اور کہا کہ رخواست گزار کی تمام باتیں مفروضوں پر مبنی ہیں۔ درخواست گزار صرف یہ بتا رہے کہ یہ ہوگا، وہ ہوگا۔