لاہور(نیشنل ٹائمز)چیف جسٹس لاہورہائیکورٹ جسٹس محمد قاسم خان 5 جولائی کوریٹائر ہو جائیں گے، جسٹس محمد قاسم خان کا بطور جج اور چیف جسٹس لاہور ہائیکورٹ دور تاریخ ساز رہا، جسٹس محمد قاسم خان نے بطور جج ہائیکورٹ تاریخ ساز فیصلے دیئے اور قانونی اصول طے کیے۔جسٹس محمد قاسم خان فروری 2010ء میں ہائیکورٹ کے جج تعینات ہوئے اور 19 مارچ 2020ء کو چیف جسٹس کا حلف اٹھایا، جسٹس محمد قاسم خان نے ہائیکورٹ کا جج بننے کے بعد 31 مئی تک 35 ہزار 475 کیسز کے فیصلے کیے، چیف جسٹس کی پالیسی کے تحت کورونا وبا کے دوران پرنسپل نشست پر 81 ہزار 540 کیسز نمٹائے گئے جبکہ لاہور ہائیکورٹ میں ایک لاکھ 45 ہزار 53 کیسز نمٹائے گئے، چیف جسٹس کی پالیسی کے تحت کورونا کے دوران ضلعی عدلیہ میں 27 لاکھ 86 ہزار 48 کیسز نمٹائے گئے۔