کراچی(نیشنل ٹائمز)ادارہ شماریات کی مہنگائی سے متعلق ہفتہ وار جاری ہونے والی رپورٹ کے مطابق کراچی ملک کا مہنگا ترین شہر ہے ۔ رپورٹ میں بتایا گیا ہے کہ کراچی میں گزشتہ ہفتے تقریبا 91 فیصد زیادہ قیمتیں وصول کی گئیں اور اسی طرح اشیائے ضروریات سرکاری نرخ کے مقابلے میں 39 فیصد تک مہنگی فروخت کی گئیں۔سروے رپورٹ کے مطابق کراچی میں 20 کلو آٹے کی قیمت سرکاری نرخوں کے مقابلے 343 روپے، دودھ 65 روپے، چینی 25 روپے، بڑا گوشت 291 روپے، ٹوٹا چاول 50 روپےاور آلو 4 روپے مہنگے فروخت کیے گئے۔