اسلام آباد(نیشنل ٹائمز) ترجمان دفتر خارجہ نے وزیراعظم کے سابق معاون خصوصی برائے اوورسیز پاکستانیز زلفی بخاری کے دورہ اسرائیل کے حوالے سے خبروں کی سختی سے تردید کر دی ہے،ترجمان دفتر خارجہ زاہد حفیظ چودھری کی جانب سے جاری بیان کے مطابق ایسی تمام رپورٹس بے بنیاد ہیں،زلفی ر بخاری کی جانب سے اسرائیل کا کوئی دورہ نہیں کیا گیا،بیان میں کہا گیا ہے کہ اس سے قبل بھی 18دسمبر 2020 میں ایسی ہی جھوٹی اور من گھڑت خبریں پھیلائی گئی تھیں۔ترجمان دفتر خارجہ نے اسرائیل کے بارے میں پاکستان کا دوٹوک موقف دہراتے ہوئے کہا کہ ہم اپنے اصولوں پر کسی قسم کا کوئی سمجھوتہ نہیں کرینگے۔