اسلام آباد(نیشنل ٹائمز) وزیراعظم کے معاون خصوصی شہباز گل نے کہا ہے کہ ملک لوٹنے والے ٹیکس چھپانے والوں کا مقدمہ لڑ رہے ہیں، انہوں نے کہا کہ ماضی میں ٹیکس دینے والوں کی حوصلہ افضائی نہیں کی گئی بلکہ قومی خزانے کو لوٹنے والوں نے ٹیکس چوروں کی پشت پناہی کی،شہبازگل نے کہا کہ 22کروڑ آبادی میں سے صرف 1.3فیصد ٹیکس فائلرز ہیں جب کہ کینیڈا کی 80فیصد آبادی ٹیکس جمع کراتی ہے، یورپی ممالک میں 58فیصد آبادی ٹیکس فائلر ہے، شہبازگل نے کہا کہ بیوروکریسی کو عوامی خدمت یقینی بنانا ہوگی کیونکہ کمزور طبقے کی فلاح و بہبود حکومت کی اولین ترجیح ہے،انہوںنے واضح کیا کہ احتساب صرف نواز شریف اور حمزہ شہباز کا نہیں بلکہ ہرکرپٹ شخص کا ہوگا، وزیراعظم عمران خان غریب عوام کے ساتھ کھڑے ہیں، شہبازگل نے کہا کہ بجلی گھر لگا دیے لیکن وہ چلیں نہ چلیں ہمیں ان کے پیسے دینے پڑتے ہیں پوری کوشش ہے کہ بجلی کی لوڈشیڈنگ نہ ہو، معاون خصوصی نے کہا کہ پانی کی کمی کی وجہ سے تربیلا سے 2500میگاواٹ بجلی کم بن رہی ہے، اگر لوڈ شیڈنگ کرنا بھی پڑی تو کم سے کم ہوگی۔