لاہور(نیشنل ٹائمز)وزیراعلیٰ پنجاب کی معاون خصوصی ڈاکٹر فردوس عاشق اعوان نے کہا ہے کہ پنجاب کے مالی سال 2021-22 کا بجٹ منظور ہونے پر پنجاب کے عوام کو مبارکباد، وزیراعلی پنجاب عثمان بزدار کی سربراہی میں معاشی ٹیم نے انتھک محنت سے پنجاب کے عوام کیلئے بہترین بجٹ پیش کیا، پنجاب کا بجٹ غریب، مزدور، کسان، تاجر، صنعتکار گو کے ہر طبقے کے لوگوں کیلئے ریلیف پیکج ہے۔ہفتہ کو سماجی رابطوں کی ویب سائٹ ٹویٹر پر فردوس عاشق اعوان نے کہا کہ پاکستان تحریک انصاف کے ممبران اسمبلی اور ہمارے اتحادی بجٹ منظوری پر مبارکباد کے مستحق ہیں۔ انہوں نے کہا کہ پنجاب کا بجٹ وزیراعظم عمران خان کے یکساں ترقی کے ویژن کی عکاسی کرتا ہے۔ تمام سٹیک ہولڈرز کی مشاورت سے مرتب کئے گئے تاریخی ترقیاتی پیکج سے پنجاب بھر میں پائیدار ترقی کے نئے دور کا آغاز ہوگا۔
مالی سال 2021-22 کا بجٹ منظور ہونے پر پنجاب کے عوام کو مبارکباد، فردوس عاشق اعوان
