روم(نیوز ڈیسک) کورونا وائرس کی وجہ سے لگنے والا لاک ڈاؤن اولاد سے محروم جوڑوں کے لیے ایک خوشخبری کا سبب بن گیا۔ سائنسدان اس کی وجہ سے اولاد کے حصول کا ایک انتہائی آسان اور سستا نسخہ بتانے میں کامیاب ہو گئے۔ میل آن لائن کے مطابق اٹلی کی یونیورسٹی آف موڈینا کے سائنسدانوں نے بتایا ہے کہ”میاں بیوی کا زیادہ جنسی تعلق قائم کرناان کی اولاد کے حصول کی کوشش کو آسان بنا سکتا ہے۔“سائنسدانوں کی اس بات کی بنیاد لاک ڈاؤن کے دوران کئی بے اولاد جوڑوں پر کی جانے والی تحقیق میں۔ اس تحقیق میں سائنسدانوں نے 431ایسے جوڑوں کی نگرانی کی جو لاک ڈاؤن سے قبل اولاد پانے کے لیے علاج کروا رہے تھے۔ لاک ڈاؤن کے سبب ان کا علاج رک گیا تاہم اس دوران مسلسل گھر میں اکٹھے رہنے کی وجہ سے وہ پہلے سے بہت زیادہ جنسی تعلق قائم کرنے لگے جس سے ان میں سے 8فیصد خواتین علاج بند ہوجانے کے باوجود قدرتی طریقے سے حاملہ ہو گئیں۔